Mótmælendur sem segjast á vegum samtakanna No border mótmæltu í gærkvöldi þegar ný ríkisstjórn var sett á ríkisráðsfundi á Bessastöðum.
Mótmælendur kröfðust meðal annars kosninga, afsagnar Bjarna Benediktssonar forsætisráðherra og bættrar framkomu við flóttafólk.
Nokkrir tugir mótmælenda voru saman komnir. Sumir þeirra ákváðu að setjast á veginn sem liggur að Bessastöðum og endaði það meðal annars með handtöku.