Innlent | mbl | 8.4.2024 | 15:29 | Uppfært 15:46

Innkalla múslí

Múslí spelt með trönuberjum. Ljósmynd/Aðsend

Icepharma hf. hefur í samstarfi við Heilbrigðiseftirlit Reykjavíkur innkallað MUNA múslí spelt með trönuberjum. Ástæða innköllunarinnar er að við reglubundið eftirlit mældist Ochratoxin (OAT) yfir viðmiði í sultanas-rúsínum sem varan inniheldur.

Innköllunin á eingöngu við um eftirfarandi lotu:

Vörumerki MUNA
Vöruheiti Múslí spelt með trönuberjum
Vörunúmer 45600608
Nettómagn 500g
Best fyrir
dagsetning
31.01.2025
Lotunúmer BN52441
Innflytjandi Icepharma hf. Lynghálsi 13 110 Reykjavík
Dreifing Nettó, Þín Verslun, Melabúðin, Kjörbúðin, Krambúðin.
Iceland, Fjarðarkaup, Hlíðarkaup.

Viðskiptavinir sem keypt hafa ofangreinda vöru eru beðnir um að neyta hennar ekki og farga eða skila henni í verslunina þar sem hún var keypt gegn fullri endurgreiðslu, að því er segir í tilkynningu frá Icepharma.