Vandræði við Bláa lónið og bílar enn fastir víða
Setja bókamerki
Veðurhvellinum í dag hafa fylgt þó nokkur verkefni og þeim hefur fjölgað eftir því sem liðið hefur á daginn, samkvæmt upplýsingum frá Slysavarnafélaginu Landsbjörg.
Jón Þór Víglundsson, upplýsingafulltrúi Landsbjargar, segir í samtali við mbl.is að nóg hafi verið að gera í dag en að verkefnin hafi aldrei orðið óviðráðanleg. Ekki er vitað um nein slys á fólki.
Ekki gert þann óskunda sem óttast var
„Það virðist vera sem veðrið hafi ekki gert þann óskunda sem óttast var, en það lentu samt þó nokkrir í einhverjum vandræðum,“ segir Jón Þór.
Hann segir líklegt að helstu verkefnum sé lokið en bætir við að einhver verkefni séu þó enn í gangi í uppsveitum.
Fjöldi verkefna var á Suðurnesjum og á Ásbrú en þó nokkuð var um að fólk festi bíla sína í slæmu skyggni. Leiðin frá Fitjum upp að Flugstöð var mörgum erfið.
Beðnir um að segja gestum að hinkra
Nokkuð var um fólk í vandræðum á leið úr Bláa lóninu. Starfsmenn þar voru beðnir um að segja gestum að hinkra á meðan mestu leiðindin gengu yfir.
Á Suðurlandi var nokkuð um vandræði eftir því sem leið á daginn. Á Þingvallavegi festu sig allmargir ferðalangar, sem og á Uxahryggjum. Einnig á Lyngdalsheiði og eru björgunarsveitir á svæðinu að greiða úr þessu og er snjóbíll kominn í verkefnið.
Í Stykkishólmi hefur verið boðuð út björgunarsveit en þar eru bílar fastir um allan bæ, að því er segir í tilkynningu Landsbjargar.
Mennirnir í haldi lögreglunnar á Suðurnesjum
Opin fyrir almennri kosningu biskups
„Hann var lokaður inni í bátnum“
„Trúlega rákumst við saman“
Kostnaðurinn nemur allt að þremur milljörðum
Fordæmir leyndarhyggju í skólamálum
Þakklátur Kínverjum fyrir friðarumleitanir
„Mjög miður að af þessu hljótist kostnaður“