Tveir heppnir miðahafar skiptu með sér bónusvinningnum í Lottó kvöldsins og fær hvor þeirra rúmar 516 þúsund krónur í vinning.
Miðarnir voru keyptir í Fjarðarkaup í Hafnarfirði og á N1 í Borgarnesi. Lottópotturinn verður fimmfaldur næstkomandi laugardag þar sem enginn var með allar tölur réttar í útdrætti kvöldsins. Þetta kemur fram í tilkynningu frá Lottó.
Í Jókernum var aftur á móti einn með allar tölur réttar og í réttri röð og hlýtur 2 milljónir króna í vinning. Miðann keypti hann á heimasíðu lotto.is.
Sex miðahafar sem voru með 2. vinning og hlýtur hver þeirra 100 þúsund krónur í vinning. Einn miðinn var keyptur í Mini Market á Smiðjuvegi í Kópavogi, einn á lotto.is, tveir miðanna eru í áskrift og tveir miðanna voru keyptir í Lottó-appinu.