Bendi fremur til jarðhitavirkni en kvikuhreyfinga
Setja bókamerki
Klukkan 6.30 í morgun höfðu rúmlega 95 skjálftar mælst í Mýrdalsjökli en jarðskjálftavirknin er sú mesta á svæðinu síðan um haustið 2016. Fólki er ráðlagt að vera ekki á ferli nærri upptökum Múlakvíslar og við Kötlujökul næstu daga.
Þetta kemur fram á vef Veðurstofunnar.
/frimg/1/42/46/1424620.jpg)
Skjálftahrinan sem nú gengur yfir hófst klukkan 1.18 í nótt en samkvæmt nýjustu upplýsingum mældust átta skjálftar yfir 3 stigum að stærð og sá stærsti var 4,4.
Fram kemur að mælingar í Múlakvísl sýni aukningu í rafleiðni og er hún sögð óvenju há miðað við árstíma. Þá sýni gasmælir á Láguhvolum aukningu í jarðhitagasi en túlkun mælinga bendi fremur til jarðhitavirkni en kvikuhreyfinga þó ekkert hafi verið útilokað.
„Líkur eru á vatnavöxtum í Múlakvísl vegna aukins hlutfalls jarðhitavatns í ánni. Gasmengun við ána getur fylgt jarðhitavatni. Um helgina má búast við hægri breytilegri átt á svæðinu og því getur gas safnast fyrir. Næstu daga má búast við áframhaldandi jarðskjálftavirkni í Mýrdalsjökli. Jarðskjálftar auka líkur á berg- og íshruni. Fólki er ráðlagt frá að vera á ferli nærri upptökum Múlakvíslar og við Kötlujökul,” segir á vef Veðurstofunnar um stöðuna.
María Sigrún svarar Degi fullum hálsi
Skuldahalinn lengist í Reykjavík
Fyrsta 360 gráða yfirlitsmyndin frá goslokum
Fylgi Höllu hrundi eftir kappræðurnar
Þrefalt stærra en gosin í desember og janúar
Var sofandi þegar slökkvilið bar að garði
„Hætta á því að það dragi úr samstöðunni“