Miklu fleiri skjálftar en undanfarin ár
Fjöldi skjálfta hefur mælst í Kötlu undanfarinn mánuð.
Kort/map.is
Setja bókamerki
Fleiri skjálftar hafa mælst í Mýrdalsjökli það sem af er þessu ári, sem er tæplega hálfnað, en á hverju þeirra fimm ára sem á undan hafa runnið.
Alls eru skjálftarnir 822 talsins, sem mælst hafa við eldstöðina frá áramótum og þar til nú í hádeginu. Þetta sýna gögn Veðurstofunnar.
Til samanburðar mældust 552 skjálftar allt síðasta ár, og 749 árið þar á undan.
Enn er þó nokkuð í þann fjölda sem mældist árið 2018. Það ár voru skjálftarnir rúmlega tvö þúsund talsins.
Nokkur virkni undir Mýrdalsjökli
Skjálfti af stærðinni 3,6 reið yfir undir jöklinum í morgun. Nokkur virkni hefur verið í Mýrdalsjökli síðustu vikur og varð síðast skjálfti af sömu stærðargráðu um síðustu helgi.
Enginn órói hefur fylgt þessum skjálftum.
María Sigrún svarar Degi fullum hálsi
Mældist á 174 km hraða í gegnum vinnusvæði
Eldgosinu er lokið
Magnús Tumi: Gýs líklega á næstu dögum
„Hætta á því að það dragi úr samstöðunni“