Árið 2008 keypti Reykjavíkurborg lóðir og fasteignir við Laugaveg 4-6 með það að markmiði að varðveita 19. aldar götumynd verslunargötunnar vinsælu. Nú tæpum áratug síðar má virða fyrir sér húsin sem búið er að reisa á lóðunum og hafa verið í smíðum síðustu misseri.
Kaupin voru gerð í borgarstjórnartíð Ólafs F. Magnússonar og F-lista sem var í meirihluta ásamt Sjálfstæðisflokki en talið er að tap borgarinnar á viðskiptunum verði í kringum hálfan milljarð króna.
Samþykki fyrir byggingu glerbyggingarinnar var veitt árið 2015. Félagið Laugastígur stendur að byggingunni á reitnum en húsið er teiknað af PK arkitektum. Fyrirhugað er að þar verði verslun og þjónusta.