Breitbart birti mynd af fótboltamanni með frétt um flóttamenn
Nokkrir fjölmiðlar hafa greint frá mistökum Breitbart í dag þar sem mynd af fyrrverandi fótboltamanni var birt með frétt um flóttafólk.
Skjáskot/Breitbart
Setja bókamerki
Fréttasíðan Breitbart hefur beðist afsökunar á því að hafa birt mynd af fótboltamanninum fyrrverandi Lukas Podolski á sæþotu með frétt um flóttamenn á leið frá Marokkó til Spánar.
Í fyrirsögn fréttarinnar kom fram að spænska lögreglan hefði upprætt gengi flóttamanna á sæþotum. Fréttin birtist á vef fjölmiðilsins í dag og henni fylgdi mynd af þýska fótboltamanninum sem nýverið lagði skóna á hilluna. Fréttinni var breytt skömmu síðar.
Steve Bannon, helsti ráðgjafi Donalds Trump Bandaríkjaforseta, er stjórnarformaður Breitbarts. Hann lét af störfum í Hvíta húsinu í síðustu viku og fór þá aftur til starfa hjá fréttamiðlinum sem þekktur er fyrir öfgafullar skoðanir sínar, m.a. hvað varðar málefni flóttafólks og innflytjenda.
Frambjóðendur skila inn listum í Hörpu
Hvorki sést áður hér á landi né annars staðar
Nemendur í HÍ reistu tjaldbúðir án leyfis
„Höfum ekki náð að skríða upp úr þeirri gryfju“
Mál hjúkrunarfræðingsins fer aftur fyrir héraðsdóm
/frimg/1/29/32/1293273.jpg)
Ekki af baki dottinn og ætlar að opna B5 aftur
Bergnuminn í Hvalfirði