Á ferð með mömmu hlaut 9 Eddur
Setja bókamerki
Kvikmyndin Á ferð með mömmu hlaut flestar Eddur, eða samtals 9, þegar verðlaun Íslensku sjónvarps-og kvikmyndaakademíunnar, ÍKSA, voru afhent nú fyrir stuttu á RÚV.
Á ferð með mömmu var meðal annars valin kvikmynd ársins. Þá fékk Hilmar Oddsson verðlaun fyrir bæði handrit og leikstjórn myndarinnar og þau Þröstur Leó Gunnarsson og Kristbjörg Kjeld fyrir leik sinn í aðalhlutverkum. Myndin var alls tilnefnd til 10 verðlauna.
Villibráð með 3 Eddur
Sú kvikmynd sem fékk næstflest verðlaun, eða samtals 3 Eddur, var Villibráð en þau Nína Dögg Filippusdóttir og Björn Hlynur Haraldsson fengu verðlaun fyrir leik sinn í aukahlutverkum í myndinni.
Heiðursverðlaunin í ár hlaut Sigurður Sverrir Pálsson kvikmyndatökustjóri en hann á að baki langan og glæstan starfsferil.
Hér fyrir neðan má sjá lista yfir alla vinningshafana.
- Kvikmynd: Á ferð með mömmu
- Leikstjórn: Hilmar Oddson – Á ferð með mömmu
- Handrit: Hilmar Oddsson – Á ferð með mömmu
- Leikari í aðalhlutverki: Þröstur Leó Gunnarsson – Á ferð með mömmu
- Leikkona í aðalhlutverki: Kristbjörg Kjeld – Á ferð með mömmu
- Leikari í aukahlutverki: Björn Hlynur Haraldsson – Villibráð
- Leikkona í aukahlutverki: Nína Dögg Filippusdóttir – Villibráð
- Erlend kvikmynd: Anatomie d'une chute (Fallið er hátt)
- Heimildamynd: Smoke Sauna Sisterhood
- Heimildastuttmynd: Uppskrift: lífið eftir dauðann
- Stuttmynd: Sætur (Felt Cute)
- Barna-og unglingaefni: Sætur (Felt Cute)
- Brellur: Davíð Jón Ögmundsson, Dragos Vilcu, Árni Gestur Sigfússon og Rob Tasker – Napóleonsskjölin
- Búningar: Helga Rós V. Hannam – Á ferð með mömmu
- Gervi: Kristín Júlía Kristjánsdóttir – Á ferð með mömmu
- Tónlist: Tönu Kõrvits – Á ferð með mömmu
- Hljóð: Björn Viktorsson og Huldar Freyr Arnarsson – Northern Comfort
- Klipping: Gunnar B. Guðbjörnsson og Kristján Loðmfjörð – Napóleonsskjölin
- Kvikmyndataka: Óttar Guðnason – Á ferð með mömmu
- Leikmynd: Heimir Sverrisson – Villibráð
- Uppgötvun ársins: Anna Katrín Lárusdóttir
- Heiðursverðlaun 2024: Sigurður Sverrir Pálsson
Sólarsellur verði á 10 til 20% íslenskra þaka
90% samþykktu verkfallsaðgerðir
Um 5.000 milljarðar í enduruppbyggingu
Loftslagsdómurinn út í loftið
Telur loftslagsdóm MDE rangan
Olíufélögin fái milljarða í afslátt frá borginni
Dómari vanhæfur í Hvammsvirkjunarmáli