Marvel-stjarnan, Jontahan Majors, hlaut í dag skilorðsbundin dóm fyrir heimilisofbeldi gegn fyrrverandi kærustu sinni, breska danshöfundinum Grace Jabbari.
Hæstaréttardómari dæmdi Majors til skilorðsbundinnar lausnar í ljósi þess að bæði sækjandi og verjandi voru sammála um að ákærurnar gæfu ekki tilefni til fangelsisvistar.
Hefur honum þess í stað verið gert að sitja 52 vikna langt námskeið fyrir gerendur í heimilisofbeldismálum og sæta áframhaldandi geðheilbrigðismeðferð.
Majors er best þekktur fyrir leik sinn sem illmenni Kang the Conqueror í Marvel myndunum og lék einnig hlutverk í Ant-Man and the Wasp: Quantumania og í sjónvarpsþáttarröðinni Loki á streymisveitunni Disney+.
Í vitnisburði sínum sagði fyrrverandi kærasta Major hann hafa snúið upp á handlegg hennar og barið hana í höfuðið í bifreið í kjölfar þess að hún hafi séð skilaboð í síma hans frá annarri konu sem lásu „Ég vildi óska þess að ég væri að kyssa þig núna.“
Áverkar hennar voru fingurbrot, marblettir og skurður á bak við eyra.