Fær kvíðahnúta í magann yfir Eurovision
Setja bókamerki
Arnar Eggert Thoroddsen tónlistarfræðingur, blaðamaður og gagnrýnandi, hyggst sniðganga Eurovison í ár vegna framgöngu Ísraelsmanna á Gasasvæðinu.
Arnar, sem lengi vel skrifaði um söngvakeppnina í Morgunblaðið kveðst ekki hafa lyst á að koma nálægt umfjöllun um keppnina í færslu á Facebook-reikningi sínum, og kveðst hafa sagt sig frá öllum skrifum um hana árið 2019 er hún var haldin í Ísrael.
„Ástæðan þá var að sjálfsögðu aðkoma Ísrael að keppninni og hvernig landið nýtti hana meðvitað í menningarlegan hvítþvott. Allt tal um að söngvakeppninni ætti að halda utan við pólitík, sem er göfugt markmið, var gert að hjómi af gestgjöfunum sjálfum,“ segir Arnar í færslu sinni.
Sturlunin blasi við
Hann segir það sama vera upp á teningnum í ár. Hann hafi ekki skrifað um íslensku lögin líkt og hann geri ávalt og muni sniðganga aðalkeppnina, sem sé mikil synd enda hafi hann afar gaman að keppninni sem sé afar mikilvæg poppfræðilega að hans mati og hreyfi við sköpunarþróttinum.
„Sturlunin á Gaza blasir við öllum sem vilja sjá og skilja og að ætla að stíga gleðidans með fulltrúum þess ríkis sem að henni stendur gengur engan veginn upp í mínum huga.“
Færslu Arnars má lesa í heild sinni hér fyrir neðan:
Olíufélögin fái milljarða í afslátt frá borginni
Telur loftslagsdóm MDE rangan
Sautján greinst með kíghósta
90% samþykktu verkfallsaðgerðir
Sólarsellur verði á 10 til 20% íslenskra þaka
Stjórnvöld hafa tvo mánuði til að bregðast við
Framboð Viktors metið gilt