Nauðsynlegt að upplýsa almenning
Setja bókamerki
Mikil leynd hvílir yfir krabbameinsgreiningu Karls III. kóngs en hann gekk nýlega undir aðgerð vegna stækkunar á blöðruhálskirtli og greindist í kjölfarið með krabbamein. Ekki er gefið upp hvers konar krabbamein er að ræða en þó er búið að útiloka blöðruhálskrabbamein.
Athygli vekur hvernig Karl kóngur hefur skipt um stefnu hvað varðar upplýsingaflæði um heilsu sína. Í fyrstu var hann mjög opinskár um hvað hrjáði hann en svo var skellt í lás þegar alvara færðist í málin.
„Ég held að það sé nauðsynlegt að hann upplýsi almenning um stöðu mála. Hann var mjög opinskár um að verið væri að meðhöndla hann vegna stækkunar á blöðruhálskirtli, sérstaklega til þess að vekja athygli karlmanna á nauðsyn þess að fara í reglubundið eftirlit. En svo fór hann aftur í gamla far leyndardóms sem hefur tíðkast hjá kóngafólki í gegnum aldirnar,“ segir Sally Bedell Smith ævisagnaritari í viðtali við AP fréttaveituna.
„Almenningur fékk t.d. ekki að vita að afi Karls konungs, Georg VI, væri með lungnakrabbamein áður en hann lést aðeins 56 ára að aldri. Þá hafa sumir sagnfræðingar haldið því fram að kónginum hafi jafnvel ekki verið sagt frá því að hann væri dauðvona.“
Talsmaður óhefðbundinna lækninga
Þekkt er að Karl III. konungur er mikill talsmaður óhefðbundinna lækninga og leiti gjarna í hómópatískar meðferðir. Hann leitar ekki eins mikið til lækna hallarinnar líkt og foreldrar hans gerðu. Hans helsti læknir, Dr. Michael Dixon, er sagður á sömu blaðsíðu hvað óhefðbundnar lækningar varðar en hann var ráðinn aðallæknir hallarinnar árið 2022. Í kjölfar ráðningarinnar sendi höllin út tilkynningu þar sem afstaða hans til óhefðbundinna lækninga var útskýrð nánar.
„Dr. Dixon trúir ekki að hómópatískar lækningar geti læknað krabbamein. Hann telur að hægt sé að nýta þær samhliða hefðbundnum meðferðum, svo lengi sem þær eru öruggar og byggðar á gögnum,“ segir í tilkynningunni.
„Ég hélt ég myndi deyja, með dóttur mína í bílnum“
Veita fyrirtækjum brú yfir óvissutímabil
Kostnaðurinn nemur allt að þremur milljörðum
Opin fyrir almennri kosningu biskups
14 til 17 milljarða kr. tap vegna skerðinga
Segir forseta þingsins segja ósatt frá fundinum