Tökum á sjöttu og síðustu seríu þáttaraðarinnar The Crown hefur verið frestað tímabundið vegna andláts hennar hátignar Elísabetar II. Bretadrottningar. Þættirnir fjalla um bresku konungsfjölskylduna og hafa störf Elísabetar á síðustu öld verið í brennidepli.
The Crown eru framleiddir af streymisveitunni Netflix og hafa notið mikilla vinsælda síðustu ár. Fimmta sería á að fara í loftið í nóvember á næsta ári og sú sjötta og síðasta eftir tvö ár.
Tökur á 6. seríu hófust fyrir ekki svo löngu síðan og var fyrirhugað að taka upp í Barcelona á Spáni í dag. Þar átti að taka upp bílslysið sem Díana prinsessa lést í árið 1997.
Ekki er ráðgert að tökur hefjist aftur fyrr en eftir að minnsta kosti viku.