Upplýst um dánarorsök drottningar

Elísabet Englandsdrotting var 96 ára þegar hún lést.
Elísabet Englandsdrotting var 96 ára þegar hún lést. AFP/Kirsty O´Connor/Pool

Elísabet II. Englandsdrottning lést úr hárri elli, að því er fram kemur í dánarvottorði hennar sem nú hefur verið gert opinbert. Drottningin lést klukkan 15.10 þann 8. september síðastliðinn, 96 ára að aldri. Hún var þá stödd í Balmoral kastala. 

Samkvæmt upplýsingum sem koma fram í dánarvottorðinu lést Elísabet um þremur og hálfum klukkutíma áður en tilkynnt var opinberlega um andlát hennar.

Útför Elísabetar fór fram frá Westminster Abbey þann 19. september síðastliðinn og hvílir hún nú við hlið eiginmanns síns, Filippusar hertoga af Edinborg, í kapellu heilags Georgs í Windsor-kastala.

mbl.is

Bloggað um fréttina

Fleira áhugavert
Fleira áhugavert