Það er óhætt að segja að það hafi verið mikil stemning í íþróttahúsinu á Seltjarnarnesi í morgun þegar allir grunnskólanemar á Seltjarnarnesi dönsuðu og hoppuðu við tóna frá stuðbandinu Milkywhale.
Tæplega 530 krakkar í 1.-10. bekk mættu til að skemmta sér en tónleikarnir voru hluti af verkefninu List fyrir alla sem mennta- og menningarmálaráðuneytið stendur nú fyrir í annað sinn. Markmiðið er að á 10 ára grunnskólagöngu sinni fá börn góða yfirsýn yfir breiðan vettavang listanna.
Tónleikarnir í dag voru fyrsti viðburðurinn á þessu skólaári en á næstu mánuðum verða fjölbreyttir viðburðir víða um land.
Nánari upplýsingar er að finna hér.