Færeyska rokkhljómsveitin Hamferð sá sér leik á borði og tók upp myndband við lag sitt „Deyðir varðar“ á meðan sólmyrkvinn sem sást bæði frá Íslandi og Færeyjum stóð yfir í mars. Í því sjást meðlimir sveitarinnar smám saman hverfa í skugga tunglsins úti í færeyskri náttúru.

Sólmyrkvinn 20. mars vakti mikla athygli á Íslandi en þá skyggði tunglið á svo gott sem alla skífu sólarinnar. Meðlimir Hamferðar létu ekki bjóða sér þetta einstæða tækifæri tvisvar og tóku upp myndband á meðan myrkvinn stóð yfir. Vakin er athygli á myndbandinu á Facebook-síðu Stjörnufræðivefsins.

Hamferð var meðal annars tilnefnd til tónlistarverðlauna Norðurlandaráðs fyrr á þessu ári og hefur leikið með íslensku þungarokksveitinni Skálmöld á hljómaleikaferðalagi.

Tengdar fréttir

Sólmyrkvi 2015

Stjörnufræðivefurinn lifir

• Komið nóg fyrir skuldinni
• Gjaldþrot vegna sólmyrkvagleraugna
• Einstakt myndband af sólmyrkvanum
• Hystería í aðdraganda sólmyrkvans

» Fleiri tengdar fréttir

• Blogga um frétt