Græða vel á Game of Thrones
Setja bókamerki
Þáttaserían vinsæla Game of Thrones hefur skilað um 110 milljónum punda inn í hagkerfi Norður-Írlands á undanförnum fimm árum eða sem nemur 22,8 milljörðum íslenskra króna. Stór hluti þáttanna hefur verið kvikmyndaður á Norður-Írlandi auk þess sem ferðamannaiðnaðurinn á svæðinu hefur nýtt sér það mjög til þess að laða að ferðamenn.
Fram kemur á fréttavefnum BelfastLive að kvikmyndatakan á Norður-Írlandi hafi að sama skapi haft mjög jákvæð áhrif á kvikmyndaiðnaðinn á svæðinu og veitt þarlendum dýrmæta reynslu. Fjölmörg ferðaþjónustufyrirtæki hafa skipulagt sérstakar ferðir á staði sem komið hafa fyrir í þáttunum auk þess sem ferðamönnum hefur verið boðið upp á að lifa sig inn í aðstæður með því að taka til að mynda þátt í sverðabardögum og bogfimi.
Game of Thrones hefur að öðru leyti verið kvikmynduð á nokkrum stöðum í heiminum og þar á meðal hér á Íslandi. Hérlend ferðaþjónustufyrirtæki hafa einnig boðið upp á sérstakar ferðir á tökustaði þáttanna hér á landi.
Vænta þess að um tímabundið ástand sé að ræða
Baldur: Það má ekki gelda embættið
Stóð á milli þess að greiða með eða skila auðu
Flugvirki lagði ríkið endanlega
Um 60 skjálftar – Landris heldur áfram
Útlendingafrumvarpið á dagskrá á morgun