Handboltakappinn Sigvaldi Björn Guðjónsson og fyrrverandi knattspyrnukonan Nótt Jónsdóttir eiga von á sínu öðru barni saman. Fyrir eiga þau soninn Jökul sem kom í heiminn þann 22. september 2022. 

Frétt af mbl.is

Sigvaldi og Nótt eignuðust son

Parið greindi frá gleðitíðindunum í færslu á Instagram þar sem þau birtu fallega myndaröð af Jökli með yfirskriftinni: „Stóri bróðir í haust.“

Ásamt því að spila með íslenska karlalandsliðinu í handbolta spilar Sigvaldi með norska liðinu Kolstad Hånd­ball sem urðu deildarmeistarar norska handboltans annað árið í röð nú á dögunum og var það Sigvaldi sem skoraði sigurmarkið.

Nótt er með BA-gráðu í lögfræði með viðskiptafræði sem aukagrein. Hún spilaði fótbolta til ársins 2021, en hún bæði byrjaði og endaði ferilinn með FH en spilaði einnig með Stjörnunni og ÍR um tíma. Fjölskyldan er nú búsett í Þrándheimi í Noregi, en þau voru áður búsett í Póllandi á árunum 2020 til 2022 þar sem Sigvaldi spilaði með pólska liðinu Vive Kielce.

Fjölskylduvefurinn óskar þeim innilega til hamingju!

Tengdar fréttir

Frægar fjölskyldur

Ágúst Freyr og Elísabet Metta eignuðust stúlku

• Sonur Birgittu Lífar á góðri leið að verða heimsflakkari
• Ragga Hólm og Elma eiga von á barni
• Dóttir barnastjörnu fæddist andvana
• Þurftu að tilkynna nafnið extra snemma

» Fleiri tengdar fréttir

Frægir fjölga sér

Logi Geirs og Inga Tinna eiga von á barni

• Ragga Hólm og Elma eiga von á barni
• Frumsýndi dóttur sína á síðum People
• Gunnhildur Yrsa og Erin eiga von á barni
• „Getum ekki beðið eftir þér lengur“

» Fleiri tengdar fréttir

• Blogga um frétt