Hentugir snarlkostir fyrir börn greind með athyglisbrest
Setja bókamerki
Hollur og góður matur hefur áhrif á athyglisbrest með ofvirkni. Með réttu mataræði er hægt að draga úr einkennum kvíða, skerpa einbeitingu og draga úr ofvirkni hjá börnum.
Það getur verið krefjandi verkefni að finna holla og bragðgóða snarl-valkosti sem börnin vilja borða yfir daginn. Vefsíðan Everyday Health mælir með þessum ljúffengu snarlkostum.
Partípizzur!
Flest börn eiga erfitt með að standast pizzur og er því sniðugt að útbúa trefja- og próteikanríkar partípizzur, en botninn er gerður úr heilhveiti og skreyttur með fitusnauðum osti.
Samkvæmt Amy Kimberlain, talskonu Academy of Nutrition of Dietetics, þá hefur prótein þann eiginleika að geta bætt einbeitingu og andlega skerpu. Það getur einnig hjálpað til við að auka virkni ADHD-lyfja.
Smoothie!
C-vítamín og fólinsýra virkja heilann og hjálpa til að viðhalda heilbrigðri heilastarfsemi. Einfaldur en bragðgóður smoothie inniheldur appelsínur, jarðaber, mangó, spínat, avókadó og gríska jógírt.
Hummus og pítaflögur
Hummus er gómsæt smyrja úr kjúklingabaunum og sesamfræjum (e. tahini). Hún er frábær uppspretta plöntupróteina og trefja. Kjúklingabaunir og sesamfræ innihalda bæði járn og fólinsýru sem geta hjálpað að auka blóðflæði og skerpa einbeitingu.
Heilhvetibrauðsneið með hnetusmjöri
Það er alltaf gott að reyna að passa upp á að snarl innihaldi prótein, enda byggingarefni líkamans. Góð leið til að fá börn til að neyta próteins er í gegnum hnetusmjör, en það er mjög góð uppspretta þess. Heilhveitibrauðsneið með hnetusmjöri er gómsæt hvenær tíma dags og enn þá betri með nokkrum bananasneiðum.
Haustbragur í maí: Snjókoma fyrir norðan
Eldvörpin byrjuð að gefa eftir
Lögregla hafi hvatt til afturköllunar kæru
Gegnum lykilhlutverki fyrir NATO
„Ég hélt ég myndi deyja, með dóttur mína í bílnum“
„Þær áttu bara að læra sína lexíu“
Akureyringur: „Hann væri sístur hjá mér“