Leikkonan Sarah Jessica Parker leggur sig fram við að borða góðan mat þegar hún er stödd erlendis. Hún leitast hins vegar ekki endilega eftir því að borða á fínum og dýrum stöðum. 

Í viðtali við matarhlaðvarpið Ruthie's Table segist hún fara í ítarlega rannsóknarvinnu áður en hún fer í frí til þess að upplifa áfangastaðinn eins og heimamaður. 

„Þú kemur á áfangastaðinn og þú reynir að spyrja fólk og það sendir þig á staðinn sem allir á hótelinu fara á,“ sagði Parker í viðtali við matarhlaðvarpið Ruthie's Table.

Hún segist reyna að spyrja fólkið í móttökunni hvar það borðar. „Og það segir mér það ekki af því það heldur að okkur langi í fínan mat,“ segir Parker. „Þannig ég elti starfsfólkið bara heim. Ég bókstaflega elti það heim. Og ég sé hvar það býr og samfélag þeirra og veitingastaðina þeirra. Og þangað fer ég. Og þar versla ég,“ segir Parker. 

Sarah Jessica Parker er mikil áhugakona um mat. AFP/Jamie McCarthy

Tengdar fréttir

Matur á ferðalögum

„Það er allt öðruvísi menning á Balí en maður hefði haldið“

• Versta matarupplifunin var í fegurðarsamkeppni í Mexíkó
• 48 tímar í Köben: Hönnunarparadís, sjósund og lífleg matarupplifun
• Borða McDonalds í útlöndum
• 48 tímar á Menorca: Falda perla Baleareyja

» Fleiri tengdar fréttir

• Blogga um frétt