Vélstjórarnir skelltu sér í róður í Færeyjum

Jón Kjartansson er nú staddur í Þórshöfn í Færeyjum þar sem verið er að útbúa Jón til dælingar á afturskipi, einnig er verið að loka síðum skipsins, að því er fram kemur í færslu á Facebook-síðu Eskju sem gerir skipið út. Fram kemur að MEST skipasmiðja í Færeyjum sjái um framkvæmdirnar.

„Verið er að setja nótaleggjara, frelsaravindu sem og allan búnað sem tilheyrir dælingum á afturskipi. Framkvæmdir ganga vel og er stefnt að því að áhafnarmeðlimir Jóns sigli með Aðalsteini Jónssyni til Færeyja um eða eftir mánaðarmót þar sem haldið verður beint út á kolmunnaveiðar.,“ segir í færslunni.

Ýsmum lagfæringum hefur verið sinnt um borð. Ljósmynd/Eskja: Guðni Elísson

Þá er Guðni Elísson, vélstjóri á Jóni, ásamt fleirum í Færeyjum á meðan framkvæmdirnar standa yfir og er hann sagður hafa verið duglegur með myndavélina. Guðna var ásamt Gunnari Óla vélstjóra boðið með starfsfólki MEST í róður á dögunum, en róðrakeppnir eru sagðar vinsælar í Færeyjum.

Mikil blíða virðist hafa verið í Þórshöfn. Ljósmynd/Eskja: Guðni Elísson

Róðrinum var verðlaunað. Ljósmynd/Eskja: Guðni Elísson

• Blogga um frétt