Sjómenn undirrita kjarasamning
Setja bókamerki
Tengdar fréttir
Kjaraviðræður
Sjómannasamband Íslands og Samtök fyrirtækja í sjávarútvegi undirrituðu í dag nýjan kjarasamning, en samningar hafa verið lausir frá árinu 2019. Nýr samningur var gerður í fyrra en felldur í atkvæðagreiðslu sjómanna.
Í tilkynningu frá Sjómannasambandinu kemur fram að samningaviðræður um nýjan samning hafi staðið yfir síðustu mánuði. Tekið hafi verið mið af þeim athugasemdum og gagnrýni sem komu fram í umræðum um samninginn sem var felldur í fyrra.
Nýi samningurinn verður kynntur félagsmönnum á næstunni, en rafræn atkvæðagreiðsla um hann hefst á hádegi 12. febrúar og lýkur föstudaginn 16. febrúar klukkan 15:00.
„Við erum núna í þeirri stöðu að vera með kjarasamning í höndunum sem við undirritum og fer í kynningu og í atkvæðagreiðslu í framhaldinu hjá sjómönnum innan okkar félaga. Að mínu mati er þetta góður samningur og við höfum náð að semja um flest þau atriði sem gagnrýnd voru í samningnum sem var felldur í fyrra. Núna eru sjómenn í góðri stöðu til að samþykkja samning sem verður með binditíma í 5 ár og ég vonast eftir því að samningurinn verði samþykktur,“ er haft eftir Valmundi Valmundssyni, formanni Sjómannasambandsins í tilkynningunni.
Binditími styttur um helming
Í nýja samningnum er binditími samningsins styttur úr 10 árum í 5 ár. Það felur í sér að sjómenn geta sagt samningnum upp eftir 5 ár og svo aftur eftir 7 ár. Fram kemur í tilkynningunni að um grundvallarbreytingu sé að ræða.
Þá er einnig tekið út að samningsbundinn gerðardómur leysi úr ágreiningi sem komið getur upp milli aðila, en í staðinn verði skipuð hlutlaus óvinhöll nefnd sem hafi það hlutverk. Ef ekki næst samkomulag um nefndarmenn eigi ríkissáttasemjari að koma að skipan nefndarmanna.
Þá er einnig gerð breyting í samningnum um að ísun yfir fiskikör sem fara í gáma til sölu erlendis sé ekki lengur á hendi skipverja nema í neyðartilvikum. Útgerðarmenn eiga að semja við löndunargengi á staðnum um að ísa yfir körin sem fara í gámana og eiga skipverjar frí við löndun. Ef sjómenn sjá um yfirísun sjálfir í neyðartilfellum fár þeir greidda yfirvinnu fyrir.
Þá er framlag í lífeyrissjóð hækkað úr 12% í 15,5%, líkt og í síðasta samningi.
Sjómenn fá 400.000 króna eingreiðslu frá útgerðarfyrirtækjum ef samningur verður samþykktur. Miðað er við 160 lögskráningardaga á síðasta ári. Þetta er viðbót frá fyrri samningi, en greiðslan kemur til greiðslu 1. mars.
Tengdar fréttir
Kjaraviðræður
Rannsaka drómasýki í hestum
„Trúlega rákumst við saman“
Fordæmir leyndarhyggju í skólamálum
Kemur ekki til greina að semja við ESB
„Hann var lokaður inni í bátnum“
„Mjög miður að af þessu hljótist kostnaður“