Segir algjörlega afleitt að stöðva veiðar
Setja bókamerki
Stöðvun strandveiða hefur haft veruleg áhrif á framboð hráefnis á fiskmörkuðum landsins og þar með haft neikvæðar afleiðingar fyrir rekstrarskilyrði fiskvinnslufyrirtækja sem ekki reka eigin útgerð. Þetta segir Arnar Atlason, formaður Samtaka fiskframleiðenda og útflytjenda.
„Sumarið er tími fiskvinnslu og þess vegna er þetta algjörlega afleitt. Það er mjög áberandi og mikil eftirspurn eftir fiski á okkar viðskiptamörkuðum. Okkar afstaða hefur verið mjög skýr varðandi strandveiðarnar, þær hafa haft gríðarlega jákvæð áhrif á hráefnisframboð að sumri til þegar mörg stærri fyrirtæki eru lokuð,“ útskýrir Arnar.
Strandveiðarnar voru stöðvaðar 12. júlí síðastliðinn eftir að aflaheimildirnar sem veiðunum voru ætlaðar kláruðust. Frá og með þeim degi fram að 18. júlí voru aðeins seld 34,5 tonn af slægðum þorski á fiskmörkuðum, en á sama tímabili í fyrra voru seld 907,6 tonn og 742,9 tonn árið 2021.
Arnar sakar stjórnvöld um að hafa brugðist skyldu sína til að tryggja fjögurra mánaða strandveiðitímabil.
Hefur þetta kallað á uppsagnir? „Ég held að þetta hafi fyrst og fremst bein áhrif á afkomu þessara fyrirtækja, þau geta ekki hrist af sér starfsfólk bara si svona. Fyrirtækin biðu og vonuðu að það yrði bætt við strandveiðikvótann, margir voru þeirrar skoðunar að að ósekju hefði það verið hægt þó ráðherra starfi eftir gildandi lögum.“
Þriðjungi meira í veiðigjöld
/frimg/1/49/13/1491337.jpg)
Veðurhorfur í dag og á morgun
Pútín leggur óvæntan ráðherrakapal
Komu á stórum gaffallyftara
Hvetja konur til að hætta notkun getnaðarvarna
Starfsmaður SÍ grunaður um fjárdrátt
Þolandi ofbeldisins frá Möltu
Kappræður setja strik í reikninginn