„Mér finnst strandveiði vera framhald á þeirri atvinnugrein sem var stunduð hér um áratugi,“ segir Kári Stefánsson í samtali við mbl.is en hann hélt ræðu á mótmælum gegn stöðvun strandveiði. Kári kveðst þó ekki andvígur kvótakerfinu. 

Frétt af mbl.is

Kveiktu í neyðarblysum fyrir framan Alþingishúsið

„Ég er engin andstæðingur kvótakerfisins ég held að kvótakerfið sé góð leið til að stjórna fiskveiðum við Ísland, þó að framkvæmdin á því sé mjög bagaleg eins og stendur. Ég held að það verði að vanda sig betur í því hvernig menn deila þessum kvóta, ekki bara fyrir einstök félög heldur líka landshluta,“ segir Kári. 

Ekki útgerðarfélögum að kenna

Hann telur það nauðsynlegt að skilja eftir heimildir fyrir strandveiðar, sem hann segir hluta af menningu sjávarplássa um land allt.

„Þegar hæstvirtur sjávarútvegsráðherra segir að það sé ekki lagaheimild til að auka hlut þeirra þá er það bara yfirlýsing um að Alþingi hafi brugðist hlutverki sínu,“ segir Kári og bætir við að það hlutverk felist meðal annars í því að setja lög sem stuðli að jafnrétti í íslenskum sjávarútvegi. 

„Það er síður en svo stórum útgerðarfélögum að kenna þau eru bara sinna atvinnu sinni á mjög myndarlegan hátt.“ 

Frá mótmælunum á Austurvelli í dag. Ljósmynd/Viktor Freyr

Jafn margir þorskhausar innan sem utan Alþingis

Kári kveðst hafa endað ræðu sína á mótmælunum með því að segja að honum hefði fundist gjörningur strandveiðafólks að setja þorskhausa á þrepum Alþingis nálægt því að vera viðeigandi. 

„Það eina sem vantaði var að hafa þorskhausana 63 þannig að það væri sami fjöldi þorskhausa innan sem utan Alþingishússins.“

Tengdar fréttir

Strandveiðar

Veiðileyfum á upphafsdegi strandveiða fjölgaði

• Mokveiði á fyrsta degi strandveiða
• Mikið um að vera í stjórnstöð Landhelgisgæslunnar
• „Síðustu leifar náttúrulegs lífs á Íslandi“
• Bjartsýnir sjómenn gera klárt fyrir strandveiðar

» Fleiri tengdar fréttir

• 2 blogg um fréttina

Bloggað um fréttina

• Ómar Geirsson: Sú sem þjónar.
• Jón Magnússon: Almenn skynsemi og þorskhausar.