Barði NK með 1.340 tonn af makríl
Setja bókamerki
Barði NK kom til Neskaupstaðar í gær með 1.340 tonna makrílfarm og hófst vinnsla á honum strax að þrifum loknum í gærkvöldi.
Þetta kemur fram í færslu á vef Síldarvinnslunnar.
Þá hafði Hákon EA landað rúmlega 600 tonnum af frystum makríl í frystigeymslur Síldarvinnslunnar í gær.
Fiskurinn aðallega heilfrystur
Í færslunni kemur fram að verið var að vinna makríl úr Vilhelm Þorsteinssyni EA í fiskiðjuveri Síldarvinnslunnar í Neskaupstað.
Fiskurinn úr Vilhelm er mjög góður og er að mestu heilfrystur, segir í færslunni.
Skipin sem landa hjá Síldarvinnslunni og eru í veiðisamstarfi toguðu í fyrradag í 8–11 tíma og var afli þeirra misjafn eða frá 130 tonnum og upp í 480 tonn. Alls var dælt tæplega 1.000 tonnum um borð í Barða í fyrradag.
Besti fiskur vertíðarinnar
Geir Sigurpáll Hlöðversson, rekstrarstjóri fiskiðjuversins, segir að fiskurinn, sem var verið að vinna úr Vilhelm, sé sá besti sem borist hefur á vertíðinni.
„Í honum er lítil áta og hann er mjög gott hráefni. Þetta er besti farmurinn sem við höfum fengið til vinnslu á vertíðinni og erum við að heilfrysta á fullu. Það er átumagnið sem skiptir mestu. Þegar átan minnkar verður hráefnið betra. Vonandi verður þetta svona áfram,“ er haft eftir Geir Sigurpáli í tilkynningunni.
Kíghósti á töluverðri dreifingu í samfélaginu
Mikilvægt að skoða af hverju þær velja þessa leið
Sleppt úr varðhaldi: Búið að klippa kanta á seðlum
Magnús Tumi: Gýs líklega á næstu dögum
Keppanda aldrei verið vísað úr keppni áður
Goslok hafa ekki áhrif á vinnuna
Rampur númer 1.100 vígður í dag
Sviss vann Eurovision
