Stjórn Landssambands smábátaeigenda skorar á matvælaráðherra að endurskoða ákvörðun sína er varðar beiðni sambandsins um auknar veiðiheimildir til strandveiða.

Þetta kemur fram í tilkynningu frá Landssambandi smábátaeigenda.

Svandís Svavarsdóttir matvælaráðherra hafnaði beiðni sambandsins um að hækka aflaviðmið um 4.000 tonn.

Frétt af mbl.is

LS vill hækka aflaviðmið um 4.000 tonn

Frétt af mbl.is

Ekki frekari heimildir til strandveiða

Áhuginn mikill fyrir strandveiðum

Stjórnin vísar meðal annars til mikilvægis strandveiða og hins mikla áhuga sem strandveiðum er sýndur. Þetta eigi jafnt við sjómenn, fiskkaupendur, vinnsluaðila og eftirspurn frá mörkuðum. Strandveiðar geta á þann hátt brúað það tímabil sem stóru fyrirtækin loka vegna sumarleyfa fram að næsta fiskveiðiári, segir í tilkynningunni.

Þá segir einnig í tilkynningunni að stjórnin vilji benda á þá staðreynd að strandveiðimenn séu ævinlega látnir mæta afgangi þegar kemur að úthlutun veiðiheimilda. Það sé nöturlegt í ljósi þess að strandveiðikerfið sé eini glugginn í fiskveiðikerfinu þar sem einstaklingum gefst færi á því að reyna fyrir sér við fiskveiðar í atvinnuskyni, án þess að þurfa að kaupa eða leigja veiðiheimildir á verðum sem fæstir ráða við og eru í þokkabót ófáanlegar.

Tengdar fréttir

Strandveiðar

Veiðileyfum á upphafsdegi strandveiða fjölgaði

• Mokveiði á fyrsta degi strandveiða
• Mikið um að vera í stjórnstöð Landhelgisgæslunnar
• „Síðustu leifar náttúrulegs lífs á Íslandi“
• Bjartsýnir sjómenn gera klárt fyrir strandveiðar

» Fleiri tengdar fréttir

• Blogga um frétt