Myndasyrpa: Líktu eftir sprengingu í bát
Setja bókamerki
Um hundrað manns tóku þátt í björgunaræfingu á laugardag þar sem líkt var eftir sprengingu í vélarrými farþegabáts á Faxaflóa. Verkefnið var samstarfsverkefni Landhelgisgæslunnar, Landsbjargar, slökkviliðsins á höfuðborgarsvæðinu, lögreglunnar á höfuðborgarsvæðinu og hvalaskoðunarfyrirtækisins Eldingar.
Björgunaraðgerðir miðuðu að því að bjarga fólki í neyð um borð í hvalaskoðunarbátunum eftir að sprengingin kom upp. Þyrla Gæslunnar flutti sex slökkviliðsmenn um borð. Því næst voru tveir fluttir frá borði með hjálp sigmanns en fjórir voru fluttir um borð í varðskipið Þór.
„Þetta var mikilvægt og gott tækifæri. Bæði fyrir hvalaskoðunarfyrirtækið Eldingu en einnig fyrir okkur sömuleiðis að kynnast þeirra vinnubrögðum. Með þessu leiddum við saman alla viðbragðsaðila,“ segir Ásgeir Erlendsson, upplýsingafulltrúi Gæslunnar.
Fyrsta æfing í æfingaröð
Stuðst var við þyrlu Gæslunnar, varðskipið Þór, björgunarskip frá Landsbjörgu og skip frá hvalaskoðunarfyrirtækinu sem var vettvangur æfingarinnar. Ásgeir segir þetta fyrstu æfingu í æfingaröð. Henni verður framhaldið síðar með sömu íslensku viðbragðsaðilum.
Telur að Rússar herði sókn sína í norðaustri
Fannari líst ágætlega á aðgerðirnar
Húsnæðisstuðningur framlengdur til áramóta
„Ég hélt ég myndi deyja, með dóttur mína í bílnum“
Segir forseta þingsins segja ósatt frá fundinum
Fann bein og tönn úr dýrum í sprungunni
Vantar fólk: „Þetta er gaman en það er ekki nóg“