Nóg var um að vera í höfninni á Arnarstapa þegar fréttaritari mbl.is og Morgunblaðsins bar að garði. Veiði hafði verið góð og biðu bátar eftir því að landa afla enda aðeins einn löndunarkrani í höfninni.

Guðmundur Már Ívarsson, hafnarvörður og starfsmaður Fiskmarkaðs Íslands á Arnarstapa, var kampakátur er hann var í óða önn að landa og vigta afla úr bátunum. „Í apríl hefur verið mjög góð veiði handfærabáta skammt frá höfninni og góður fiskur og aflinn verið 3 tonn yfir daginn, einnig hefur línubáturinn Særif SH róið héðan og aflinn hjá þeim hefur farið í 21 tonn í róðri,“ sagði Guðmundur.

Friðþjófur Orri Jóhannsson skipstóri á línubátnum Særif SH var í miklu stuði á höfninni . mbl.is/Alfons

Telur hann að stefni í metfjölda báta á strandveiðum í sumar, en þær hefjast á mánudag 2. maí. „Ég hef verið hér í 10 ár og mest hafa verið hér 50 strandveiðibátar og á ég von á því að þar verði fleiri strandveiði bátar þetta sumarið.“

Ragnar G. Guðmundsson á handfærabátnum Ríkey MB var með um eitt tonn af flottum þorski eftir stuttan tíma á miðunum. „Það flottur fiskur bara hérna skammt frá hafnarkjaftinum,“ sagði Ragnar kátur.

Ragnar G Guðmundsson var ánægður með sinn afla. mbl.is/Alfons

Bátar sem bíða eftir löndun, en aðeins einn löndunarkrani er á Arnarstapahöfn. mbl.is/Alfons

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

Strandveiðar

Þorskafli strandveiðibáta jókst á öllu landinu

• Veiðileyfum á upphafsdegi strandveiða fjölgaði
• Mokveiði á fyrsta degi strandveiða
• Mikið um að vera í stjórnstöð Landhelgisgæslunnar
• „Síðustu leifar náttúrulegs lífs á Íslandi“

» Fleiri tengdar fréttir

• Blogga um frétt