Opnað verður fyrir umsóknir um þátttöku í strandveiðum í þessari viku. Í tilkynningu sem birt var á vef Fiskistofu fyrir helgi eru útgerðir sem eiga skip sem fengu úthlutað aflamarki á fiskveiðiárinu hvattar til að huga að því hvort veiðiskylda hafi verið uppfyllt, en til að taka þátt þarf útgerð að hafa veitt að minnsta kosti 50% af úthlutuðum aflaheimildum.

„Strandveiðiafli telur ekki upp í veiðiskyldu og óheimilt er að stunda veiðar samkvæmt öðrum leyfum á meðan strandveiðileyfi er í gildi. Það er því mjög mikilvægt að útgerðaraðilar sé meðvitaðir um stöðu veiðiskyldunnar áður en haldið er til strandveiða,“ segir í tilkynningunni.

Heilt yfir hefur íslenski fiskiskipaflotinn veitt 72,8% af úthlutuðu aflamarki í þorski og eru aðeins rúmlega 49 þúsund tonn sem eftir eru en fiskveiðiárinu lýkur 31. ágúst. Fjöldi útgerða er því langt kominn með heimildir sínar og má nefna að á Sauðárkróki hefur rúmlega 91% af úthlutuðum heimildum í þorski verið landað, 87,5% á Rifi, 84% í Ólafsvík, um 80% í Grindavík, tæp 73% í Hornafirði og 71,5% á Dalvík.

Þessa stöðu má rekja til um 13% lækkun í ráðgjöf Hafrannsókna- stofnunar milli fiskveiðiára.

Aðilar í smábátaútgerð sem Morgunblaðið hefur rætt við hafa spáð því að töluverð ásókn verði í strandveiðarnar í ár þar sem horft er fram á hátt verð og ekki síst er verið að leita leiða til að bæta upp skerðingar í krókaflamarkinu í samræmi við ráðgjöfina.

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

Strandveiðar

Þorskafli strandveiðibáta jókst á öllu landinu

• Veiðileyfum á upphafsdegi strandveiða fjölgaði
• Mokveiði á fyrsta degi strandveiða
• Mikið um að vera í stjórnstöð Landhelgisgæslunnar
• „Síðustu leifar náttúrulegs lífs á Íslandi“

» Fleiri tengdar fréttir