Skinney-Þinganes lætur smíða nýtt skip í Danmörku
Setja bókamerki
Útgerðarfélagið Skinney-Þinganes hefur samið um smíði á nýju uppsjávarskipi við skipasmíðafyrirtækið Karstensens Skibsværft A/S í Skagen í Danmörku, að því er fram kemur á vef fyrirtækisins.
Þar segir að lengd skipsins verði 75,4 metrar og breiddin 16,5 metrar, en lestarrými skipsins verður um 2.400 rúmmetrar. Þá er vakin athygli á því að hönnun skipsins hafi tekið mið af því að djúpristan verði sem minnst eða um 6,5 metrar. Áætluð afhending skipsins er í apríl 2024.
Skinney-Þinganes gerir nú þegar út tvö uppsjávarskip, Ásgrím Halldórsson SF-250 og Jónu Eðvalds SF-200, auk fjögurra skipa, Þinganes SF-25, Steinunn SF-10, Skinney SF-20 og Þórir SF-77. Dótturfélagið Útgerðarfélagið Vigur ehf. gerir út bátinn Vigur SF-80.
Karstensens hefur að undanförnu smíðað nýjustu uppsjávarskip íslenska flotans og má nefna nýjan Börk NK fyrir Síldarvinnsluna og nýjan Vilhelm Þorsteinsson EA fyrir Samherja. Jafnframt smíðaði stöðin Suðurey VE sem Ísfélagið keypti nýverið frá Svíþjóð, en það skip var smíðað 2006.
„Ég er einfaldlega of heiðarlegur“
Beint flug til Kína styrkir útflutning
Um 60 skjálftar – Landris heldur áfram
Aflýsir öllum ferðum og sendir liðsauka
Að flytja á Álftanes var skrifað í skýin
Erum komin í öruggt skjól í Sunnusmára