Kristrún öflugri en fyrirrennarinn
Setja bókamerki
Ný Kristrún RE 177 kom til Reykjavíkur í gær, en hún leysir af hólmi eldra skip með sama nafni. Ásbjörn Jónsson, framkvæmdastjóri Fiskkaupa, segir að nýja skipið sé stærra, öflugra og betur búið en það gamla, sem hefur verið sett á sölu.
Allur afli verður frystur um borð.
Síðustu þrjú ár hefur Kristrún verið á grálúðunetum fyrir norðan land þar sem aðstæður eru oft erfiðar. Nýja skipið fer einnig á grálúðu þegar nauðsynlegar breytingar hafa verið gerðar á því, trúlega ekki fyrr en í febrúar. Norskir eigendur skipsins gerðu það út á tannfiskveiðar í Suðurhöfum og meðal breytinga er að setja búnað til línuveiða í land og búa það til netaveiða.
Skipin voru bæði smíðuð í Noregi, það eldra 1988 og nýja skipið 2001. Það er tæplega 50 metrar á lengd og 11 metrar á breidd. Nýja skipið var afhent á Kanaríeyjum og þannig sparaðist hátt í 30 daga sigling frá Úrúgvæ, þaðan sem skipið var gert út.
Skipstjórar eru Helgi Torfason og Pétur Karlsson.
Flugvél Icelandair til Glasgow snúið við
Erum komin í öruggt skjól í Sunnusmára
Útlendingafrumvarpið á dagskrá á morgun
„Ég er forsetaframbjóðandi, ekki hommi í framboði“
Samþykkt kaup á fasteignum að virði 52 milljarða
Ört vaxandi tjón vegna netsvika
Stóð á milli þess að greiða með eða skila auðu