Bóndinn á Arnarstapa undrandi yfir humrinum
Alfons Finnsson fréttaritari á Snæfellssnesi
Setja bókamerki
Tilraunaveiðar með humargildrur á Ingu P SH ganga vonum framar og er auðsjáanlega humar víða í Breiðafirði. Nokkuð óvænt tókst að ná í 120 kíló undan Arnarstapa, en þar hafa slíkar veiðar ekki verið stundaðar áður.
Fyrst voru gildrurnar í tilraunaveiðunum lagðar ellefu mílur vestur af Öndverðarnesi og var afli með ágætum en veður hamlaði þó veiðum. Í síðustu viku voru svo gildrurnar færðar í svokallað Jökuldýpi sem er þekkt humarsvæði, en áður fyrr voru humartogskip þar að veiðum.
Ein trossa var þó lögð tólf mílur suður af Arnarstapa þar sem ekki hefur verið veitt áður og kom það mönnum á óvart að þar var góður afli af vænum humri. Kom Inga P að loknum veiðum með 120 kíló til hafnar. Aflanum var landað á Arnarstapa stutt frá veiðislóð og er þetta í fyrsta sinn sem humri er landað þar, að sögn Guðmundar Ívarssonar hafnarvarðar.
Þórgeir Högnason bóndi á Arnarstapa átti ekki orð yfir því að humar fengist rétt við kartöflugarð sinn og var heldur betur undrandi yfir að sjá svona fallegan humar.
„Ég hélt ég myndi deyja, með dóttur mína í bílnum“
Fann bein og tönn úr dýrum í sprungunni
Kærir teiknara Vísis til siðanefndar
Rannsaka drómasýki í hestum
Kostnaðurinn nemur allt að þremur milljörðum
Veita fyrirtækjum brú yfir óvissutímabil
Um 70 jarðskjálftar í kvikuganginum