Kaupin verða metin að nýju
Setja bókamerki
Hluthafafundur HB Granda hf. samþykkti í dag tillögu þess efnis að nýtt mat fari fram á kaupum félagsins á Ögurvík ehf. áður en hluthafar taka endanlega afstöðu til staðfestingar á ákvörðun stjórnar um viðskiptin. Framhaldshluthafafundur verður haldinn 2. nóvember, en áður munu hluthafar fá kynningu á mati Kviku banka hf. á áformunum.
Þetta kemur fram í tilkynningu frá HB Granda.
Þá kemur fram að Gildi lífeyrissjóður hafi kynnt eigin breytingartillögu við ályktunartillögu sína rétt fyrir hluthafafundinn. Gekk tillaga Gildis lífeyrissjóðs í svipaða átt og tillaga stjórnar, sem fól í sér að ákvæði um skipan þriggja manna nefndar hluthafa til að fylgja málinu eftir yrði fellt niður. Stjórn HB Granda féll því frá sinni breytingartillögu og féllst á breytingartillögu Gildis.
Fyrirtækjaráðgjöf Kviku banka hefur verið skipuð til þess að meta fyrirhuguð viðskipti um kaup HB Granda á öllu hlutafé Ögurvíkur og skilmála þeirra og skulu helstu forsendur og niðurstöður álitsins verða gerðar aðgengilegar eigi síðar en 29. október 2018 og skal ákvörðun hluthafafundar um ákvörðun stjórnar um kaup HB Granda á öllu hlutafé Ögurvíkur frestað til framhaldsfundarins 2. nóvember.
Kærir teiknara Vísis til siðanefndar
„Bíð bara eftir að það fari að gjósa aftur“
„Ég hélt ég myndi deyja, með dóttur mína í bílnum“
Kemur ekki til greina að semja við ESB
Segir forseta þingsins segja ósatt frá fundinum
Fannari líst ágætlega á aðgerðirnar
Húsnæðisstuðningur framlengdur til áramóta
Tímaspursmál hvenær framleiðslu verði hætt