Mikilvægt er, vegna tengsla HB Granda og Útgerðarfélags Reykjavíkur, að ákvörðunartaka um kaup HB Granda á félaginu Ögurvík af ÚR sé hafin yfir allan vafa.

Þetta kemur fram í yfirlýsingu sem lífeyrissjóðurinn Gildi hefur sent frá sér, í kjölfar þess að framkvæmdastjóri ÚR sendi HB Granda bréf fyrr í dag þar sem hann segir það ekki lengur vilja félagsins að halda áfram með viðskipti með Ögurvík að sinni, sökum efasemda eins af stærri hluthöfum HB Granda.

Frétt af mbl.is

ÚR vill hætta við söluna á Ögurvík

Ljóst þykir að framkvæmdastjórinn vísi þar til tillögu Gildis frá í gær, að bókun fyrir komandi hluthafafund, þar sem lífeyrissjóðurinn lagði til að óháður aðili yrði fenginn til að leggja mat á viðskiptin og skilmála þeirra.

Frétt af mbl.is

Kaup HB Granda á Ögurvík verði skoðuð

„Í tillögu Gildis-lífeyrissjóðs felst ekki afstaða til umræddra viðskipta,“ segir í yfirlýsingu Gildis.

„Vegna tengsla milli aðila er hins vegar mikilvægt að ákvörðunartakan sé hafin yfir allan vafa. Í tillögunni felst að frekari upplýsingar þurfi að liggja fyrir áður en ákvörðun er tekin um viðskiptin, m.a. varðandi mat á því hversu vel rekstur Ögurvíkur ehf. fellur að rekstri HB Granda hf., eins og nánar kemur fram í tillögu sjóðsins. Hluthafafundi hefur verið fært endanlegt ákvörðunarvald og telur Gildi í ljósi umfangs viðskipta og tengsla milli aðila að vanda þurfi alla málsmeðferð.“

Fyrir hluthöfum liggi nú að taka efnislega afstöðu til málsins á hluthafafundi HB Granda hf., 16. október, þar á meðal til tillögu Gildis um að lagt verði nánara mat á hvort viðskiptin séu hagfelld fyrir félagið.

Tengdar fréttir

Kaup HB Granda á Ögurvík

Fellir niður athugun á HB Granda

• Heimilar kaup HB Granda á Ögurvík
• Kaup HB Granda á Ögurvík samþykkt
• „Kemur mér ekki á óvart“
• Kaupin hagfelld, séu forsendur raunhæfar

» Fleiri tengdar fréttir

• Blogga um frétt