Makríllinn mættur til Ólafsvíkur

Fjölmennt var og líflegt við höfnina á Ólafsvík síðdegis í gær þegar sú frétt barst að makríll væri farinn að veiðast í höfninni við bæinn. Bæjarbúar fóru niður að bryggju og þeirra á meðal voru ungu dömurnar á myndinni sem voru býsna fengsælar.

Vel veiddist af bryggjunni af makríl og vænum þorski, sem að sögn viðstaddra var að eltast við makrílinn. Margir veiðimannanna tóku makríl heim með sér og höfðu á orði að hann væri mikið lostæti grillaður.