Jana Falsdóttir, landsliðskona í körfuknattleik, verður leikfær fyrir þriðja leik Njarðvíkur gegn Grindavík í undanúrslitum Íslandsmótsins í Smáranum í Kópavogi í kvöld.
Jana, sem er 18 ára gömul, fékk þungt höfuðhögg í fyrsta leik liðanna í Smáranum um þarsíðustu helgi og var flutt á sjúkrahús.
Hún missti af öðrum leik liðanna í Ljónagryfjunni í Njarðvík í síðustu viku en samkvæmt Körfunni er hún leikfær fyrir þriðja leikinn.
Njarðvík er 2:0 yfir í einvíginu og tryggir sér sæti í úrslitaeinvíginu með sigri í kvöld.