Glódís Perla Viggósdóttir og stöllur hennar í Bayern München tryggðu sér Þýskalandsmeistaratitilinn í dag eftir 2:1 sigur á Bayer Leverkusen, þar sem Karólína Lea Vilhjálmsdóttir spilar.
Glódís Perla, fyrirliði Bayern, var að vana í byrjunarliði og spilaði allan leikinn en hún mun taka á móti bikarnum í næsta heimaleik liðsins sem er 12. maí. Cecilía Rán Rúnarsdóttir er einnig leikmaður Bayern, en hún hefur ekkert leikið á tímabilinu vegna meiðsla.
Þetta er annað tímabilið í röð sem Bayern vinnur deildina en liðið mætir Wolfsburg á fimmtudaginn í bikarúrslitaleik og geta því unnið tvöfalt í ár.
Karólína Lea var í byrjunarliði Leverkusen og spilaði 79. mínútur í leik dagsins gegn hennar gamla félagi.
🔴⚪🏆 𝗠𝗘𝗜𝗦𝗧𝗘𝗥𝗜𝗡𝗡𝗘𝗡 𝟮𝟬𝟮𝟰 🏆⚪🔴#FCBayern #MiaSanMia #Meisterinnen pic.twitter.com/qrRHIH6BHu
— FC Bayern Frauen (@FCBfrauen) May 4, 2024