Hættir eftir tímabilið

Enska knattspyrnufélagið West Ham tilkynnti nú síðdegis að David Moyes muni hætta störfum sem knattspyrnustjóri félagsins að þessu keppnistímabili loknu.

Samningur hans rennur út í sumar og samkvæmt tilkynningu félagsins er um sameiginlega ákvörðun Moyes og félagsins að ræða.

Frétt af mbl.is

Valdi West Ham fram yfir Bayern

Illa hefur gengið hjá West Ham síðustu vikurnar en liðið steinlá, 5:0, í Lundúnaslag gegn Chelsea um helgina og hefur liðið nú sigið niður í níunda sæti úrvalsdeildarinnar eftir góða stöðu lengi vel á tímabilinu.

Moyes, sem er 61 árs gamall Skoti, hefur stýrt West Ham í fimm ár, frá árinu 2019, og liðið vann Sambandsdeild Evrópu undir hans stjórn á síðasta tímabili.

• Blogga um frétt