Enska B-deildarfélagið Aston Villa hefur gengið frá kaupum á Glenn Whelan frá Stoke. Miðjumaðurinn skrifar undir tveggja ára samning við Aston Villa og mun hann veita Birki Bjarnasyni samkeppni á miðjunni.
Whelan var í níu ár hjá Stoke og lék hann 336 leiki fyrir liðið á þeim tíma. Hann hefur einnig leikið með Manchester City, Bury og Sheffield Wednesday. Whelan á yfir 80 leiki fyrir írska landsliðið.