Knattspyrnudeildir Vals og FH hafa komist að samkomulagi um að Bjarni Guðjón Brynjólfsson fari að lán til FH frá Val og að Hörður Ingi Gunnarsson fari að láni í hina áttina.
Bjarni Guðjón er tvítugur miðjumaður sem Valur keypti af Þór. Hann lék ekkert með Val í fyrstu þremur leikjum nýhafins tímabils. Hann lék 60 leiki með Þór í 1. deild og skoraði í þeim 16 mörk.
Hörður Ingi er 25 ára bakvörður sem er uppalinn hjá FH. Hann hefur einnig leikið með ÍA, HK, Víkingi frá Ólafsvík og Sogndal í Noregi. Hörður lék átta leiki með FH á síðustu leiktíð en hefur ekki komið við sögu á tímabilinu.