Norski blaðamaðurinn Sidney Haugen stal óvænt senunni á Íslandi í vikunni fyrir að vera klæddur í svefnpoka. Svefnpokinn sem Haugen klæddist var grænn en svo vill til að græni liturinn er að sprengja allt þessa dagana. Í haust ættu allir að vera klæddir í grænt. 

Ekki er vitað hvort að Haugen hafi meðvitað ætlað að stela senunni af tískudrottningum landsins þegar hann klæddist svefnpokanum á hafnarsvæðinu í vikunni þegar hann studdi aðgerðasinna. 

Glæsilegar konur í grænu!

Dragtir hafa verið áberandi í tískuheiminum og að sjálfsögðu koma þær í grænu. Sirrý Arnardóttir geislaði í grænni dragt þegar hún fagnaði út­komu bók­ar sinn­ar, Betri tján­ing.

Græni liturinn var líka áberandi í útgáfuboði kjarnakonunnar Höllu Tómasdóttur. Hún bætti um betur og klæddist sömu grænu flíkinni á forsíðu bókarinnar Hug­rekki til að hafa áhrif. Fyrir þær allra djörfustu þá eru svalir kúrekajakkar til í grænu. 

Grænar flíkur sem vilja komast í fataskápnum þinn í haust!

Fyrir fólk sem á ekki grænt í fataskápnum eða vill bæta grænu í safnið er nóg í boði í verslunum landsins. Það er til að mynda nóg af hlýjum og góðum peysum fyrir veturinn. Einnig er þó nokkuð um föt í hermannastíl.