Cassie Cooper náði tökum á fjármálunum með því að hætta alfarið að nota kortið sitt. Hún notar reiðufé þegar hún þarf að kaupa mat og aðrar nauðsynjar.

Sérfræðingar segja að það að borga með reiðufé gerir mann meðvitaðri um innkaupin og það verður auðveldara að fylgjast með eyðslunni.

„Þetta er ein besta leiðin til þess að spara,“ segir Cooper í viðtali við The Sun. 

„Ég hef bara ákveðna upphæð til að eyða. Ef ég væri með kort þá væri ég mun sveigjanlegri með upphæðina og myndi leyfa mér meira,“ segir Cooper en þessi breyting varð til þess að hún hætti að spreða í óþarfa nammi eða vín eins og hún var vön.

„Ég forðast núna tveir fyrir einn tilboð í matvörubúðum og kaupi ekki óþarfa hluti eins og súkkulaði til að eiga í bílnum á leiðinni heim. Ég hef heldur ekki keypt neitt á netinu þar sem þá þyrfti ég að nota kortið mitt.“

„Þó að fólk myndi bara gera þetta eina viku í mánuði þá myndi það samt skila sér í sparnaði þegar litið er á árið í heild sinni.“

„Maður var orðinn svo vanur að smella kortinu á posann að þetta var ekki lengur eins og alvöru peningar. Maður fór í búðina og keypti alltaf aðeins meira en maður ætlaði sér.“

„Nú er freistingin minni. Ég geng í vinnuna þannig að ég þarf ekki að eyða miklum peningum í bensín. Ég set bara smá á tankinn frekar en að fylla hann.“

Tengdar fréttir

Fjármál

10 sparnaðarráð fyrir fermingarveisluna

• 10 sniðugustu sparnaðarráðin í dag
• Sverrir Norland orðinn bankamaður
• Þetta eru 6 verstu sparnaðarráðin
• Svona getur þú sparað í matarinnkaupum

» Fleiri tengdar fréttir

• Blogga um frétt