Þorsteinn B. Friðriksson, forstjóri Plain Vanilla, hefur fest kaup á tveimur íbúðum við Ægisíðu 96. Íbúðirnar eru skráðar á fasteignafélag í hans eigu, Sif fasteignafélag ehf., sem stofnað var fyrr á þessu ári. Um er að ræða 110 fm íbúð í kjallara hússins og 156 fm íbúð á fyrstu hæð.
Þorsteinn verður í góðum félagsskap á Ægisíðunni því söngkonan Björk Guðmundsdóttir býr við Ægisíðu 94 og María Sigrún Hilmarsdóttir fréttakona og eiginmaður hennar, Pétur Árni Jónsson, eigandi Viðskiptablaðsins, búa á númer 90.
Hæðirnar á þessum stað Ægisíðunnar eru með dýrustu íbúðum sem hægt er að festa kaup á í Reykjavík og samkvæmt heimildum Smartlands Mörtu Maríu borgaði Þorsteinn um 100 milljónir fyrir íbúðirnar tvær.