Breska leikkonan Joan Collins neitar því að hafa farið í lýtaaðgerðir en hún afhjúpaði leyndarmálið að unglegu útliti sínu í viðtali við The Guardian. Collins er 90 ára gömul og á farsælan feril að baki í kvikmyndum og sjónvarpi.

„Ég hef aldrei lagst undir hnífinn,” sagði Collins, sem margir þekkja úr bandarísku sápuóperunni Dynasty.

„Í fyrsta lagi þá er ég mjög hrædd við nálar, en það var móðir mín sem sagði mér að nota gott rakakrem og næturkrem.“ Leikkonan viðurkenndi einnig að forðast sólina til að viðhalda unglegum ljóma sínum og sagðist ráðleggja dætrum sínum hið sama, en hún er móðir þeirra Töru, 59 ára og Katyönu, 51 árs.

Collins játaði þó í viðtali við tímaritið Glamour árið 2012 að hafa prófað bótox. „Ég fékk það sett í ennið á mér og það var helvíti sárt.” Leikkonan sagði að það hafi fælt hana frá frekari fegrunaraðgerðum. 

Tengdar fréttir

Líkamsvirðing

„Bjóst aldrei við því að líkaminn myndi líta svona út eftir fæðingu“

• Halle Berry nakin á mæðradaginn
• „Kim Kardashian er ömurlegasta fyrirmynd kvenna“
• Bresk stjarna varar við fitusogi
• „Óhappið varð til þess að ég ákvað að endurhugsa hlutina“

» Fleiri tengdar fréttir

Á besta aldri

Frumkvöðull sem hóf starfsferilinn 39 ára og hætti 61 árs

• „Einmanaleiki hefur oft verið talinn hvað erfiðastur fyrir eldra fólk“
• „Ég var bölvaður sykurfíkill, alltaf að éta sætindi“
• Árin frá 65 til 74 koma aldrei aftur
• Vill frekar vera á sjötugsaldri en þrítug!

» Fleiri tengdar fréttir

• Blogga um frétt