Matur | mbl | 14.9.2020 | 5:09 | Uppfært 8:37

Svona nýtir þú allt avókadóið

Avókadó er ávöxtur sem þú getur nýtt til fullnustu. mbl.is/colourbox

Allir avókadóunnendur þarna úti takið eftir! Ekki láta góðan ávöxt fara til spillis þó að þú klárir innihaldið – því við viljum umfram allt sporna við matarsóun og endurnýta allt sem hugsast getur.

Matarsóunar-expertinn Emilie Vanpoperinghe hefur varpað fram sex leiðum til að nýta allan avókadóávöxtinn án þess að neitt fari til spillis.

Ræktaðu avókadó

Þú getur ræktað nýja avókadóplöntu á mjög einfaldan máta. Eina sem til þarf eru þrír tannstönglar, vatnsglas og gluggakista. Stingdu tannstönglum í avókadósteininn og láttu hann hanga á glasbrúninni þannig að botninn á steininum liggi í vatninu. Stillið glasinu í birtu út í glugga. Eftir nokkrar vikur muntu sjá stöngla byrja að vaxa og þegar stöngullinn nær 15 cm hæð skaltu klippa hann til og leyfa honum að vaxa á ný. Þegar stöngullinn nær aftur 15 cm er tími til að setja plöntuna í næringarríka mold og leyfa henni að vaxa að fullu.

Fáðu þér te

Ef smoothie er ekki að þínu skapi, þá skaltu prófa að sjóða avókadósteininn í fimm mínútur þar til hann mýkist. Skerðu hann í þunnar sneiðar og settu út í sjóðandi vatn í fimm mínútur. Síaðu vatnið og helltu því í bolla með smávegis af hunangi.

Avókadóduft

Þurrkaðu avókadósteininn inni í ofni á lágum hita í nokkra klukkutíma eða settu hann út í sólríkan glugga í 1-2 daga. Þegar steinninn hefur þornað upp, settu hann þá í matvinnsluvél. Notaðu svo duftið í smoothie eða í brauðbakstur og út á salatið þitt.

Notaðu avókadó undir blómafræ

Avókadóhýðið er fullkomið undir blómafræ. Settu mold í hýðið og ræktaðu blóm og grænmeti á náttúrulegan máta.

Settu hýðið í baðið

Viltu lúxus? Skelltu þá avókadóhýðinu út í baðið og nuddaðu það upp úr vatninu. Þannig fyllist baðkarið af næringarríkri olíu sem mun gera húðina mjúka og fína.