Lögreglunni á höfuðborgarsvæðinu barst tilkynning um þjófnað á sex númerum af bifreiðum í Hafnafirði í dag.
Þetta er meðal þess sem kemur fram í dagbók lögreglu.
Í miðbænum barst lögreglu tilkynning um innbrot í bát við Miðbakka. Þaðan var stolið verkfærum, talstöðum og lyfjum.
Þá voru skemmdarverk unnin á fjórum til sex bifreiðum í miðbænum. Í sama hverfi var lögreglan kölluð til vegna innbrots á vinnusvæði þar sem fjöldi verkfæra var stolið. Einnig var aðili sem hrækti á lögreglumann sem var að handtaka hann.
Í Árbænum var þjófnaður í verslun. Einnig var tilkynnt um grunsamlegar mannaferðir en ekkert var að sjá þegar lögreglu bar að garði.