Tæplega 900 börn á aldrinum 4-15 ára hafa tekið þátt í Andrésar Andar-leikunum á Akureyri. Venju samkvæmt hófust leikarnir sl. miðvikudag, eða á síðasta degi vetrar, og þeim lýkur í dag.
Gísli Einar Árnason, nefndarmaður í Andrésarnefnd Skíðafélags Akureyrar, segir nefndina leggja áherslu á að skapa skemmtilegt andrúmsloft, þar sem allir geti notið sín, einkum yngstu krílin.
Að sögn Gísla eru allt að 3.000 manns að fylgjast með leikunum og börnunum 900 í Hlíðarfjalli. Leikunum lýkur með verðlauna- og viðurkenningarathöfn í dag.