Allir tímarammar hafa verið brotnir
Setja bókamerki
„Hægagangur kerfisins er illskiljanlegur. Það eru þrír mánuðir síðan því var lofað að eyða óvissu í húsnæðismálum Grindvíkinga og við erum enn í sömu sporum,“ segir Dagmar Valsdóttir, einn skipuleggjenda samstöðumótmæla Grindvíkinga. Þeir efndu aftur til mótmælafundar á Austurvelli í gær til að ítreka mótmæli sín vegna hægagangs í vinnubrögðum fasteignafélagsins Þórkötlu.
„Tugir, ef ekki hundruð, kaupsamninga eru útrunnir, einhverjir eru undirritaðir og seljendur eiga von á dráttarvaxtakröfum á útborganir, sem gjarnan skipta tugmilljónum. Enn fleiri samningar eru hreinlega runnir út í sandinn, sem og fyrirætlanir fjölskyldna sem þegar hafa misst heimili sín,“ segir Dagmar.
„Nú er svo komið að allir tímarammar sem fasteignafélagið Þórkatla hefur gefið hafa verið brotnir og örfáir einstaklingar hafa fengið eignir sínar greiddar út. Við skiljum ekki vinnubrögðin og það virðist vera eftir hentugleika hverjir eru næstir.“
Nánari umfjöllun er að finna í Morgunblaðinu í dag.
Skuldahalinn lengist í Reykjavík
„4-5% gólf sem við verðum bara að brjótast í gegnum“
Verðbólgan þrálátari en gert hafði verið ráð fyrir
„Hætta á því að það dragi úr samstöðunni“
Eldgosinu er lokið
Hvernig er vitað að þessi kona átti þetta barn?
Þrefalt stærra en gosin í desember og janúar
Var sofandi þegar slökkvilið bar að garði