„Miklar meiningar, mikil spenna, mikill eldur“
Setja bókamerki
Svandís Svavarsdóttir, sem afhenti Bjarkeyju Olsen Gunnarsdóttur lyklana að matvælaráðuneytinu í morgun, sagði við tilefnið að sér þætti einstaklega vænt um ráðuneytið.
„Matvælaráðuneytið varð til fyrir rúmlega tveimur árum og er viðfangsefni sem mér er mjög kært. Í þessu ráðuneyti er verið að takast á við mjög spennandi verkefni, lykilatvinnugreinar þjóðarinnar og það eru miklar meiningar, mikil spenna, mikill eldur í hjörtunum úti um allt land,” sagði Svandís og nefndi að hún væri mjög ánægð með komu Bjarkeyjar í ráðuneytið.
Svandís sagði mörg spennandi verkefni vera fram undan í ráðuneytinu og nefndi sérstaklega nýja löggjöf um lagareldi, sem mun vera tilbúið til framsögu á Alþingi.
„Mér er sagt að það sé tilbúið fyrir þig að flytja framsögu niðri í þingi þegar þú ert tilbúin, því að það skiptir máli að halda dampi í því máli. Annars er bara frábært að fá nýtt blóð inn í ríkisstjórnina og það gleður mig sérstaklega að það skuli vera mín góða vinkona Bjarkey,” greindi Svandís frá.
„Hann var lokaður inni í bátnum“
Húsnæðisstuðningur framlengdur til áramóta
Mennirnir í haldi lögreglunnar á Suðurnesjum
Fordæmir leyndarhyggju í skólamálum
„Bíð bara eftir að það fari að gjósa aftur“
Þakklátur Kínverjum fyrir friðarumleitanir
Opin fyrir almennri kosningu biskups