Hjarta hennar slær um allt land
Setja bókamerki
Sigurður Ingi Jóhannsson, fráfarandi innviðaráðherra, segist treysta Svandísi Svavarsdóttur mjög vel fyrir innviðaráðuneytinu.
Hann afhenti henni lyklana að ráðuneytinu fyrr í morgun. Sjálfur er Sigurður Ingi að taka við fjármála- og efnahagsráðuneytinu.
Svandís þurfi tíma
Að loknum lyklaskiptunum í morgun sagði hann Svandísi vera gamlan borgarfulltrúa og því þekkti hún vel til sveitarstjórnarmála. Hann sagði mörg stór verkefni hafa verið á borði ráðuneytisins eins og húsnæðismál, samgöngumál og samgöngusáttmálann.
„Ég veit að þó að hún sé alin upp í borg þá slær hjarta hennar líka um allt land þannig að ég treysti henni mjög vel til þessara verka,” sagði Sigurður Ingi.
Einhverjar áherslubreytingar
Spurður hvort hann búist við breytingum í ráðuneytinu sagði hann Svandísi þurfa tíma til að setja sig inn í stefnumörkunina.
„Við höfum verið mjög dugleg í þessu ráðuneyti að móta langtímastefnur og sækja þær síðan til Alþingis. Ég veit að hún mun halda áfram á þeirri góðu braut í samtarfi við þá stefnu sem er samþykkt á Alþingi. En auðvitað er það þannig að þegar það kemur nýtt fólk þá eru einhverjar áherslubreytingar sem tengjast persónu fólks,” svaraði hann.
„Mjög miður að af þessu hljótist kostnaður“
Fannari líst ágætlega á aðgerðirnar
Kemur ekki til greina að semja við ESB
Rannsaka drómasýki í hestum
Myndskeið: Hátt í 140 lömb á tveimur sólarhringum
Kostnaðurinn nemur allt að þremur milljörðum
14 til 17 milljarða kr. tap vegna skerðinga
Þakklátur Kínverjum fyrir friðarumleitanir